Bizimneftcala.info Qafqazinfo-ya istinadən xəbər verir ki, insident iyulun 20-i gecə saatlarında baş verib. Toyda spirtli içki qəbul edən gənclərin bir-biri ilə zarafat etməsi sonda mübahisəyə səbəb olub. 2001-ci il təvəllüdlü Elgün İsmayılov toydan götürdüyü “butılka” ilə tanışı, 1996-cı il təvəllüdlü Fərid Mehdiyevin başından zərbə endirib.
Gənclərin davası bir neçə dəqiqə davam edib, daha sonra onları sakitləşdiriblər və tərəflər bir-birindən ayrılaraq hadisə yerindən uzaqlaşıb.
Daha sonra E. İsmayılovu əvvəlki davaya görə yenidən söhbətə çağırıblar. Bu dəfə 20 yaşlı gənc yol kənarındakı bərbərxanaya daxil olaraq oradan qayçı götürüb. Davam edən mübahisə zamanı isə digər tanışları – 1991-ci il təvəllüdlü Mahir Kərimovla Fuad Hüseynovun hər birini qayçı ilə qarın nahiyəsindən vurub.
Faktla bağlı araşdırma aparılır.